Mithilf Sponsoring Fasnacht Rhyfälde

Du hesch Freud am kunterbunte Fasnachtstribe, willsch mithälfe ä tolli Fasnacht in unsere Altstadt uf d’Bei z’stelle und imene tolle Team zäme schaffe? Denn schliess di uns a und mach mit!

Unses gmeinsame Ziel

Mir bereite i de Altstadt Rhyfälde ä 4-tägigs Fescht vor. Mir organisiere die gsamti Feschtmeile mit TOP-Unterhaltig. Mehreri Umzüg durch d’Gasse, Schnitzelbänk i de Beize, Chinderfasnacht und vieli Guggekonzärt träge zu de tolle Schtimmig bi. Es chömme vo Noh und Färn vieli Bsuecher:inne und Gastgugge, wo mit uns die 5. Johreszyt gniesse.

Das chasch du bewirke

• Du unterstützisch de Vorstand vo de Fasnachtsgsellschaft Rhyfälde (FGR) bi de Akquisition vo Sponsore und Inseränte
• Kontaktufnahm und Kontaktpfläg mit de Sponsore
• Bekanntmachig vo unsem neue Sponsoringkonzept in de Region Rhyfälde
• Korräkti Uftragsführig und -ablag, demit d’Kolleg:inne für witeri Ufgabe druf zuegriffe chönned

Das bringsch du mit

• Freud a de Fasnacht in unsere Altstadt vo Rhyfälde
• Bereitschaft zu gwüssehafter und sälbständiger Mitarbeit
• Gueti Kenntnis im MS Office und wenn möglich witere Uftragstool (z. Bsp. Asana)
• Offeni und ufgschtellti Art gegenüber Chund:inne und Kolleg:inne

Hesch du Froge?

Joël Lässer, Präsident FGR, +41 77 442 62 82

Marcello Flückiger, Vize-Präsident FGR, +41 79 302 50 72

oder info@rheinfelderfasnacht.ch

Dorum startisch du mit uns!

• Mir sind ä tolli Gruppe wo eis vo de gröschte Fescht in Rhyfälde uf d’Bei schtellt
• Mir biete dir sehr gueti Unterstützig und e klari Uftragsübersicht
• Du chasch a jedem Fasnachtsalass in Rhyfälde gratis teilneh